သိုးတစ်ကောင်ရဲ့ဒဏ္ဍာရီ
တကယ်တမ်းကျတော့
ငါ့လက်က ဖိတ်ကျသွားတဲ့သစ္စာတရား
သိပ်မများပါဘူး ချစ်သူ
လူမည်ရုံလေးပါ။
တွေ့လား...
မေတ္တာတရား... ရှေ့ထားဟန်ပြရင်ပဲ
လူရာမ၀င်တော့သလို
မျက်နှာညိုပြနေလိုက်ကြတာ...
ကြာလာတော့လည်း...
သိုးမည်းတွေထဲ ဖြူနေသူ
အလယ်လူအပြစ်ဖြစ်မှာစိုးလို့
မိုးခါးရေတစ်ခွက်
ခပ်သွက်သွက်မော့သောက်လိုက်တယ်။
ကြမ်းတမ်းစွာစီးဝင်သွား
နှလုံးသားတစ်လျှောက်
ဖောက်ပြန်မှုတို့ရုန်းထ
ဘ၀သိက္ခာ...
ငါ... ပြန်မရနိုင်တော့ပါလား။
ချစ်သူရေ
ကိုယ့်ကိုခွင့်မလွှတ်လိုက်ပါနဲ့။
မနော်ဟရီ
