ပိတောက်မှ အ၀ါ အစစ်
ရင်ဘတ် စစ်စစ်ကြီးထဲကိုိ
အ၀ါရောင် အတုတွေ ထိုးသိပ်
တစ်နှစ်လုံးနွေရှိတဲ့ တိုင်းပြည်မှာတန်ခူး ကို ဒီမှာ အတုလုပ်
ပိတောက်ကို ဒီမှာ အတုလုပ်
သင်္ကြန်ကို ဒီမှာ အတုလုပ်
လူစက်ရုပ်တွေလေ အမေ
နှလုံးခုန်သံ တူးပို့ ... တူးပို့
ငါတို့ မြန်မာဆိုတာကိုတော့
အတု မလုပ်ကြစတမ်း ... ။
ငါတို့မြေ ...
ငါတို့ရေ ...
ငါတို့လေ နဲ့ မထိ မတွေ့သမျှ
ငါတို့ သင်္ကြန်ဆိုတာ အတုပေါ့
ရေကြည်ရာ ... မြက်နုရာဆိုလို့ ရှာခဲ့တယ် အမေ
ရေကလည်း ကြည်သပေါ့
မြက်ကလည်း နုသပေါ့
တစ်ခုတော့ ရှိတာပေါ့ .... အမေ
မချိုဘူး ....၊
သူစိမ်းတွေရဲ့
ခြေကြိုခြေကြားက
ကုန်းရုန်းထပြီး
ကွေးနေအောင် ကကြရတဲ့ အဝေးသင်္ကြန်
ပိတောက်ပန်းတွေတော့ ပန်လို့မရဘူး ... အမေ
ရွှေမန်းတောင်ရိပ်လည်း
သီချင်းတွေထဲမှာပဲ ခိုနေရတာ
နှစ်တွေ ကြာပေါ့ ... ၊
ပြန်ခဲ့ချင်ပြီ
မြေသင်းနံ့ လွင့်လွင့်ပျံ့တဲ့
ကိုယ့်မြေပေါ်မှာ ကိုယ့်လေကို ရှိုက်ပြီး
သင်္ကြန်သီချင်းတစ်ပိုဒ်ကို
အပြုံးတွေပိုက်ပြီး
ပိတောက်ဖူးတွေ ငိုက်နေအောင် ဆင်မြန်းထားတဲ့
အမေ့အနမ်းတွေအောက်မှာ
သားတို့ ....
သမီးတို့ ....
တူးပို့ ... တူးပို့ သီချင်းသံခင်းပြီး
ကိုယ့်မြေကို ကိုယ် နင်းချင်ပြီ .... အမေ ။ ။
သုထက်မှူး
